Bilirik ki, əməlin Allah tərəfindən qəbul olması üçün labüd olan şərtlərdən biri də, əməli etməmişdən öncə düzgün bir şəkildə niyyət etməkdir. Bunun dəlili Allah Rəsulunun sallallahu aleyhi və səlləm bu hədisidir: "Əməllər ancaq niyyətlərə görədir." Buxari və Muslim
Bu yazımızda, əhli-sünnətin üzərində ittifaq etdiyi dörd məzhəbin, Ramazan orucu üçün edilən niyyət barədə görüşlərini sizə təqdim edəcəyik.
Bu yazımızda, əhli-sünnətin üzərində ittifaq etdiyi dörd məzhəbin, Ramazan orucu üçün edilən niyyət barədə görüşlərini sizə təqdim edəcəyik.
İlk öncə onu qeyd edək ki, məzhəblərin dördünün də ittifaqı ilə, oruc üçün niyyət etmək
vacibdir. Niyyət etməyən bir kəsin tutduğu oruc səhih (keçərli) sayılmır.
Niyyəti qəlbdə etmək kifayətdir . Həmçinin səhurda oruc tutmaq məqsədilə yeyib içmək də niyyətdir. Təqlid etdiyim məzhəb Əhməd bin Hənbəlin rahiməhullah məzhəbi olduğu üçün, Allahın izni ilə onların görüşləri ilə başlayacam.
Hənbəli
məzhəbinə görə Ramazan orucu üçün, hər gün üçün ayrılıqda, gün batandan fəcr doğana (dan yeri sökülənə) qədər niyyət etmək vacibdir. Əks təqdirdə oruc səhih
deyildir. Yəni, əgər bir kəs fəcr (sübh) azanının vaxtına qədər unudaraq vəya
yataraq niyyət etməzsə, bundan sonra edəcəyi niyyət keçərli deyil, oruc
sayılmır, artıq qəzasını tutmaq vacib olur. Niyyəti təyin etmək vacibdir və bu, Ramazandan bir günün orucunu və ya qəzasını və ya nəzrini və ya kəffarəsini tutacağına niyyət etməkdir. Əgər bir kəs, iftarını açdıqdan
sonra sabahkı gün üçün oruc tutmağa niyyət edərsə, əgər imsaka oyanmazsa,
birbaşa fəcr doğduqdan sonra oyansa da, niyyəti səhihdir və orucu keçərlidir.
İmam Şafii’nin
məzhəbində də eyniylə İmam Əhmədin rahiməhumullah məzhəbində olduğu kimidir.
Hənəfi məzhəbində də, digər iki məzhəbdə olduğu kimi, hər gün üçün ayrılıqda niyyət etmək lazımdır. Oruc üçün quşluq vaxtının son
hissəsinə qədər (günortadan 1-2 saat öncəyədək) niyyət etmək caizdir. Yəni, bir
kəs yatıb qalaraq niyyət etməyi unudarsa, birbaşa hava işıqlaşdıqda oyanarsa,
oruca niyyət edib davam etməsi caizdir. Qeyd olunan vaxtdan sonra edilən niyyət
keçərli deyildir. Hənəfi məzhəbində niyyəti təyin etmək vacib deyil. Yəni, əgər bir kimsə Ramazan ayında başqa bir vacib oruca və ya nafilə bir oruca niyyət eləmiş olsa, səhih olan görüşə görə o Ramazan orucuna sayılır.
İmam
Malik və əshabının rahmətullahi aleyhim görüşünə görə, Ramazan ayı üçün, yalnız ayın başlanğıcında, bütün ayı oruc tutmağa niyyət
edərsə, bu o şəxs üçün kifayətdir. Yəni, hər axşam gün
batandan fəcrə qədər niyyət etməsi vacib deyildir, bir dəfə niyyət etməklə
bütün ramazanı oruc tuta bilər.
Qeyd:
Hənbəli və Şafi məzhəblərini təqlid edənlər hər hansısa bir üzrdən dolayı fəcrə
qədər niyyət
edə bilməsələr, o zaman Hənəfi məzhəbini təqlid edərək quşluq vaxtının son hissəsinə qədər niyyət etmələri bəzi alimlər tərəfindən caiz görülmüşdür. Bir kəsin Ramazanın
əvvəlində, unutmaq qorxusu ilə Maliki məzhəbini təqlid edərək bütün ramazan üçün niyyət etməsinin icazəli olduğunu bəyan edən əhli sünnət alimləri də
mövcuddur.
Комментариев нет:
Отправить комментарий